ஷேன் வோர்னின் நூறு! சர்ச்சைகள் தொடருமா?

பரபரப்புக்களுக்கு எப்போதுமே குறைவில்லாத ஒருவர் ஷேன் வோர்ன்..கிரிக்கெட் விளையாடும் போது சரி, ஓய்வு பெற்ற பிறகும் சரி அவர் ஒரு பரபரப்பு நாயகனே தான்..சாதனைகளுக்கும் அவர் ரொம்பப் பிரபல்யம்;சர்ச்சைகளுக்கும் அவரை ரொம்பவே பிடிக்கும்..

உலக சாதனை,மந்திரப் பந்து வீச்சு,ஆஷஸ் தொடரில் இங்கிலாந்தை உருட்டியது, ஓய்வு பெற்ற பிறகும் ராஜஸ்தான் அணியை IPLஇல் சாம்பியன் ஆக்கியது என்று அவரது சாதனைகளாக இருக்கட்டும்.. குறுந்தகவல் மூலம் பாலியல் தொல்லை,ஊக்க மருந்து உட்கொள்ளல்,எதிரணி வீரர்களோடு சண்டை,வாய்ச் சவடால்,புகை பிடித்தல் என்று சர்ச்சைகளாக இருக்கட்டும்..அவருக்கு நிகர் அவரே தான்.

ஓய்வு பெற்ற பிறகும் தன் மனதில் பட்ட கருத்துக்களை வெளிப்படையாகச் சொன்னவர் வோர்ன்.இவை பல சந்தர்ப்பங்களில் சர்ச்சைகளை உருவாக்கினாலும்,வோர்ன் பின் நிற்கவில்லை.சுழல் பந்துவீச்சாளர் ஆச்சே கூக்ளிக்கேல்லாம் அஞ்சுவாரா?

இந்த வரிசையில் தான் நூல்களை எழுத ஆரம்பித்தார் வோர்ன்.கடந்த வருடம் தனக்குப் பிடித்த ஐம்பது வீரர்களை வரிசைப்படுத்தினார்.

சச்சினுக்கு முதலிடம்.. சில சர்வதேசப் போட்டிகளில் விளையாடாத வீரர்களை எல்லாம் பிரபல வீரர்களை விட முன்னுக்குக் கொண்டுவந்தார்.கேட்டபோது தன்னுடன்,தனக்கெதிராக விளையாடிய வீரர்களையே வரிசைப்படுத்தியதாக சொன்னார்.

இதற்கும் ஒருபடி மேலே போய்,இம்முறை ஷேன் வோர்ன் தனது நூறு பேரைக்கொண்ட சிறப்புப் பட்டியலை வெளியிட்டிருக்கிறார்.

கடந்த வருடம் இங்கிலாந்தின் பிரபல நாளேடான த டைம்ஸ்(The Times) ஷேன் வோர்னின் பிரபல வீரர்கள் 50பேரின் பட்டியலை வெளியிட்டிருந்தது.கடந்த 2ஆம் திகதி நூலாக இந்த நூறு பேர் பட்டியலை வெளியிட்டுள்ளார்.

நூலின் பெயர் Shane Warne's Century.

இதிலும் சச்சின் டெண்டுல்கர் முதலாமிடம்.லாரா இரண்டாமிடம்;லாராவை விட சச்சின் புத்திசாலி என்றும்,சச்சின் ஒரு கிரிக்கெட் ஜீனியஸ்(புத்தி ஜீவி)என்றும் வர்ணிக்கிறார் வோர்ன்.தனக்கு சச்சினுக்குப் பந்து வீசுவதற்கு மிகச் சிரமமாக இருந்ததாகவும்,தன்னுடைய எந்தப்பந்தையும் இலகுவாக சச்சின் அடையாளம் கண்டுகொள்வார் என்றும் வோர்ன் புகழாரம் சூட்டி இருக்கிறார்.

இலங்கை வீரர்களில் முரளிதரன் ஏழாம் இடத்தைப் பெறுகிறார்.பாகிஸ்தானின் வாசிம் அக்ரம் ஆறாமிடத்தில் உள்ளார்.

பதினோரு இந்தியர்களும்,ஒன்பது பாகிஸ்தானியர்களும்,எட்டு இலங்கைக் கிரிக்கெட் வீரர்களும் இந்தப் பட்டியலுள் அடங்குகின்றனர்.

இந்தப் பட்டியலை முழுமையாகத் தருவதற்கு முதல்,பட்டியலில் இருந்து சில சுவையான அம்சங்கள்..

வோர்னை அறிமுகப்படுத்திய அணித்தலைவர் அலன் போர்டர் நான்காமிடத்தில்.

தற்போதைய ஆஸ்திரேலிய அணித்தலைவர் பொண்டிங் எட்டாம் இடத்தில்.

வோர்னோடு மிக நீண்ட காலம் விளையாடிய ஸ்டீவ் வோ,மார்க் டெய்லர் போன்ற முன்னாள் தலைவர்களுக்கு முதல் இடங்களுக்குள் வோர்ன் இடம் வழங்கவில்லை.

கில்க்ரிஸ்ட்டை 16ஆம் இடத்திலும்,ஹீலியை பத்தாம் இடத்திலும் வோர்ன் வரிசைப்படுத்தியுள்ளார்.ஹீலி ஒரு ஒப்பிட முடியா சிறந்த விக்கெட் காப்பாளர் என்றும்,கில்க்ரிச்ட்டுக்கு முதலிலேயே துடுப்பாடும் காப்பாளராகத் திகழ்ந்தவர் என்றும் வோர்ன் சொல்கிறார்.கில்க்ரிஸ்டுக்கும் வோனுக்கும் இடையில் மிக நீண்ட காலம் பனிப்போர் இருந்து வந்தது.2000ஆம் ஆண்டில் துர் நடத்தை காரணமாக வோர்னின் உப தலைவர் பதவி பறிக்கப்பட்டு இடம் கொடுக்கப் பட்டதே இந்த முறுகலுக்கான காரணம் என்று சொல்லப்படுகிறது.

ஸ்டீவ் வோவைப் பின் தள்ளிய வோர்ன்,அவரது சகோதரரான மார்க்கிற்கு ஒன்பதாம் இடத்தைக் கொடுத்திருக்கிறார்.இதற்கு வோர்ன் சொல்லும் காரணம்,தான் எப்போதும் ரசித்த ஒரு துடுப்பாட்ட வீரர் மார்க் வோ என்றும்,ஆஸ்திரேலியா அணியில் தான் விளையாடிய காலத்தில் நேர்த்தியான ஒரு துடுப்பாட்ட வீரர் இவர் என்றும் கூறுகிறார்.

ஆனால் உண்மையில் நெருங்கிய நண்பர்களாக இருந்துவந்த,வோர்னும்,ஸ்டீவ் வோவும் 1999இல் இருந்து முரண்பட்டுக் கொண்டவர்கள் என்பது குறிப்பிடத்தக்கது. 1999இல் வோ,வோர்னை முந்தி ஆஸ்திரேலிய அணித்தலைவர் பதவியைக் கைப்பற்றிய பிறகில் இருந்து இருவரும் மோதிவந்தனர்.ஒரு சில மாதங்களின் பின்னர் மேற்கிந்தியத் தீவுகளுக்குச் சென்ற ஆஸ்திரேலியக் குழுவில் வோர்னுக்கு இடம் வழங்கப்படாததும் வோவினால் தான் என வோர்ன் இன்றும் கருதிவருகிறார்.

ஷேன் வோர்ன் தனது கிரிக்கெட் வாழ்க்கையில் அடிக்கடி மோதிக்கொண்ட இலங்கை அணியின் முன்னாள் தலைவரான அர்ஜுன ரணதுங்கவை 93ஆம் இடத்தில் இட்டுள்ளார்.அவரை முதலில் பார்த்த பொது ஒரு செம்மறியாட்டைத் தன் வயிற்றில் விழுங்கியவர் போல் காணப்பட்டதாகச் சொல்லும் வோர்ன்,பல இடங்களில் அர்ஜுனவைக் கிண்டலடித்துள்ளார்.அதைப் பற்றித் தனியாக ஒரு பதிவே போடுமளவுக்கு சுவாரசியமாக உள்ளது.அர்ஜுனவை ஆம் இடத்தில் போடுவதானால் தான் விரும்பிச் செய்வேன் என்றும்,ஆனால் அவரை ஒரு கிரிக்கெட் வீரராக மதிப்பதனாலேயே இந்த இடத்தைக் கொடுத்ததாகவும் பெருமைப்படுகிறார்.

இந்தியாவின் கங்குலிக்கு 96ஆம் இடம்.கங்குலியோடும் அண்மையில் IPLஇல் வோர்ன் மோதியது குறிப்பிடத்தக்கது.கங்குலி வேண்டுமென்ற எதிரணிகளை உசுப்பேற்றுபவர் என்றும்,ஸ்டீவ் வோவை நாணய சுழற்சியின் போது ஒரு தடவை காக்கவைத்து வெறுப்பேற்றியது என்று பல விஷயங்களை சொல்கிறார்.

மேலும் பலர் பற்றித் தன் பார்வையில் பல விஷயங்கள் சொல்லும் வோர்ன்,ஒரு விடயத்தைத் தெளிவாக சொல்கிறார்.

இந்தப் பட்டியல் ஷேன் வோர்னின் தனிப்பட்ட தெரிவு.சராசரிகள்,சாதனைகள் என்பவற்றை விட அணுகுமுறைகள்,ஆளுமைகள், கிரிக்கெட்டில் அவர்கள் ஏற்படுத்திய பாதிப்புகளுக்கே அதிக முக்கியத்துவம் கொடுக்கப்பட்டிருக்கிறது.

பேரின் வரிசை தரப்பட்டபோது நண்பர்களுக்கே அதிக முக்கியத்துவம் கொடுத்ததாக விமர்சனங்கள் எழுந்தன.எனவே கூடுமானவரை நட்பை விட கிரிக்கெட்டையே அளவுகோலாக்கி இருக்கிறேன்.

இதோ தொடர்கிறது ஷேன் வோர்னின் 100பேரடங்கிய பட்டியல்..

(இனி எங்கெங்கு இருந்து,என்னென்ன சர்ச்சைகளும்,விமர்சனங்களும் எழப் போகின்றனவோ? ஆனால் வோர்ன் எதற்கும் தயார்..)

The top 100

100 Jamie Siddons / 99 Andrew Caddick / 98 Graham Thorpe / 97 Shahid Afridi
96 Sourav Ganguly / 95 Moin Khan / 94 Devon Malcolm / 93 Arjuna Ranatunga
92 Monty Panesar / 91 Graeme Hick / 90 Inzamam-ul-Haq / 89 Jack Russell
88 Mushtaq Ahmed / 87 Gary Kirsten / 86 Ian Bishop / 85 Chris Gayle
84 Simon Jones / 83 Paul Reiffel / 82 Craig McMillan / 81 Greg Matthews
80 Darren Berry / 79 Mark Boucher / 78 Stuart Clark / 77 V. V. S. Laxman
76 Shane Watson / 75 Mahela Jayawardene / 74 Shane Bond / 73 Mike Gatting
72 John Wright / 71 Darren Gough / 70 Richie Richardson / 69 Alec Stewart
68 Jonty Rhodes / 67 Harbhajan Singh / 66 Hansie Cronje / 65 Carl Hooper
64 Shivnarine Chanderpaul / 63 Daniel Vettori / 62 Mike Atherton / 61 Desmond Haynes
60 Mike Hussey / 59 Craig McDermott / 58 Andrew Symonds / 57 Tim May
56 Damien Martyn / 55 Mohammad Azharuddin / 54 Michael Vaughan / 53 Mohammad Yousuf
52 Brian McMillan / 51 Chris Cairns / 50 Stephen Harmison / 49 Dilip Vengsarkar
48 Dean Jones / 47 Robin Smith / 46 Justin Langer / 45 Ravi Shastri
44 Graeme Smith / 43 Kapil Dev / 42 Stuart MacGill / 41 Sanath Jayasuriya
40 Stephen Fleming / 39 Michael Slater / 38 Michael Clarke / 37 Bruce Reid
36 Allan Donald / 35 Virender Sehwag / 34 Shoaib Akhtar / 33 Kevin Pietersen
32 Darren Lehmann / 31 Waqar Younis / 30 Andrew Flintoff / 29 Saeed Anwar
28 Shaun Pollock / 27 Jason Gillespie / 26 Steve Waugh / 25 Andy Flower
24 Brett Lee / 23 Kumar Sangakkara / 22 Martin Crowe / 21 David Boon
20 Rahul Dravid / 19 Aravinda de Silva / 18 Merv Hughes / 17 Jacques Kallis
16 Adam Gilchrist / 15 Matthew Hayden / 14 Graham Gooch / 13 Anil Kumble
12 Mark Taylor / 11 Courtney Walsh / 10 Ian Healy / 9 Mark Waugh
8 Ricky Ponting / 7 Muttiah Muralitharan / 6 Wasim Akram / 5 Glenn McGrath
4 Allan Border
3 Curtly Ambrose
2 Brian Lara
1 Sachin Tendulkar

Source: Cricket 365.com